Love Poem by Robert
Burns
|
| |
A Red, Red Rose
|
| |
|
O, my luve is like a red red rose
That's newly sprung in June:
O, my luve is like the melodie
...That's sweetly played in tune.
As fair art thou, my bonie lass,
...So deep in luve am I;
And I will luve thee still, my dear,
...Till a' the seas gang dry.
Till a' the seas gang dry, my dear,
...And the rocks melt wi' the sun;
And I will luve thee still, my dear,
...While the sands o' life shall run.
|
| |
John Anderson, my Jo
|
| |
John Anderson, my Jo,
John,
When we were first acquent,
Your locks were like the raven,
Your bonnie brow was brent;
But now your brow is beld, John,
Your locks are like the snaw,
But blessings on your frosty pow,
John Anderson, my Jo!
John Anderson, my Jo, John,
We clamb the hill thegither,
And monie a cantie day, John,
We've had wi' ane anither;
Now we maun totter down, John,
And hand in hand we'll go,
And sleep thegither at the foot,
John Anderson, my Jo!
|
| |
The Banks Of Bonnie Doon
|
| |
Yon banks and hills
of bonnie Doon,
How can you bloom so fresh and fair?
And little birds, how can you chaunt
With me so weary... full o' care?
You'll break my heart, you warbling birds
That wanton thru the flow'ry thorns
You remind me of departed joys
Departed... never to return.
Oft did I rove by bonnie Doon
To see the rose and woodbine twine
And every bird sang of its love
As fondly once I sang of mine.
With lightsome heart I pulled a rose
Full sweet from off its thorny tree
But my first lover stole that rose
And, ah! has left its thorns with me.
|
| |
The Banks O' Doon
|
| |
Ye flowery banks o'
bonie Doon,
How can ye blume sae fair,
How can ye chant, ye little birds,
And I sae fu' o' care!
Thou'll break my heart, thou bonie bird
That sings beside thy mate,
For sae I sat, and sae I sang,
And wist na o' my fate.
Aft hae I rov'd by bonie Doon,
To see the wood - bine twine,
And ilka bird sang o' its love,
And sae did I o' mine.
Wi' lightsome heart I pu'd a rose,
Frae aff its thorny tree,
And my fause luver saw the rose,
But left the thorn wi' me,
Wi' lightsome heart I pu'd a rose,
Upon a morn in June,
And sae I flourish'd on the morn,
And sae was pu'd or noon!
|
| |
| |
| |
| |
| |
|
